ՄԵՐ ՄԱՍԻՆ

Մեր գլխավոր վարպետը՝ Վլադ Ալիբաբայանը, պրեմիում քրաֆթ օղու գաղափարի նախաձեռնողն ու շարժիչ ուժն է, դժվարին ու ուսանելի փորձություններով լի ճանապարհ անցած մասնագետը։ Տարիներ առաջ նա սկսեց իրագործել մի նախագիծ, որի արդյունքում պիտի «ծնվեր» իր համով ու որակով կատարյալ խմիչք։ Եվ, շնորհիվ ողջ թիմի վարպետության, գաղափարակից լինելու ու նվիրվածության, ստեղծվեց մեր գործարանի երկար սպասված «պտուղը»՝ հրաշա...Կարդալ ավելին

Մեր գլխավոր վարպետը՝ Վլադ Ալիբաբայանը, պրեմիում քրաֆթ օղու գաղափարի նախաձեռնողն ու շարժիչ ուժն է, դժվարին ու ուսանելի փորձություններով լի ճանապարհ անցած մասնագետը։ Տարիներ առաջ նա սկսեց իրագործել մի նախագիծ, որի արդյունքում պիտի «ծնվեր» իր համով ու որակով կատարյալ խմիչք։ Եվ, շնորհիվ ողջ թիմի վարպետության, գաղափարակից լինելու ու նվիրվածության, ստեղծվեց մեր գործարանի երկար սպասված «պտուղը»՝ հրաշալի մրգային օղին։ Եթե Ձեզ մեկ անգամ բախտ է վիճակվել փորձել այն, ապա երբեք չեք մոռանա դրա նուրբ համն ու հաճելի բույրը։ Առաջին հաջող փորձից հետո վարպետն անցավ քրաֆթ օղու պատրաստման աշխատանքներին, որը պրեմիում դասի ալկոհոլային խմիչքների շուկայում պիտի դառնար առաջատարը։ «Թորուկ»-ն ուղղակի օղու անվանում չէ, «Թորուկ»-ն օղու նոր մշակույթ է, և, ի վերջո, այն հայկական օղու իրական, գտնված անվանումն է: «Թորուկ»-ի մեջ մեկտեղված են կոնյակագործության լավագույն ավանդույթներն ու միաժամանակ քրաֆթ օղու պատրաստման նորագույն մոտեցումները՝ շնորհիվ այդ աստվածային խմիչքը ստեղծող մարդու վարպետության ու վիրտուոզության։ Մեր նպատակասլաց ջանքերի արդյունքում ստացվեց «Թորուկ»-ը, որը համապատասխանում է «թանկարժեք» խմիչքները գնահատող ու գիտակ մարդկանց՝ իրական քրաֆթ օղու մասին բոլոր պատկերացումներին ու չափանիշներին։ Մենք գիտենք, թե ինչպիսի արտադրանք է ստացվում յուրաքանչյուր թորման գործընթացում և գնահատում ենք բազմակի թորման էֆեկտիվությունը։ Դա հենց այն է, ինչն անհրաժեշտ է նման նրբաճաշակ խմիչք ստանալու համար։

«Թորուկ»-ի «կյանքը» սկիզբ է առնում շշալցումից շատ ավելի վաղ։ Աշնանացան ցորենը շատ զգայուն է ու խոցելի, և պահանջում է հատուկ խնամք ու մշակում: Ի տարբերություն ցորենի այլ տեսակների՝ երեսվարը կատարվում է մինչև 12 սմ խորությամբ` սովորական 8-ի փոխարեն: Սերմացուն պետք է լինի հատընտիր, առողջ ու որակական բարձր հատկանիշներով, զերծ լինի խառնուրդներից, վարակված չլինի հիվանդություններով և ունենա ծլման բարձր...Կարդալ ավելին

«Թորուկ»-ի «կյանքը» սկիզբ է առնում շշալցումից շատ ավելի վաղ։ Աշնանացան ցորենը շատ զգայուն է ու խոցելի, և պահանջում է հատուկ խնամք ու մշակում: Ի տարբերություն ցորենի այլ տեսակների՝ երեսվարը կատարվում է մինչև 12 սմ խորությամբ` սովորական 8-ի փոխարեն: Սերմացուն պետք է լինի հատընտիր, առողջ ու որակական բարձր հատկանիշներով, զերծ լինի խառնուրդներից, վարակված չլինի հիվանդություններով և ունենա ծլման բարձր էներգիա: Գարնանը դաշտը մշակվում է, 25 օր անց կատարվում է փխրեցում և նախապատրաստվում ցանքին, որը բարձրլեռնային շրջաններում կատարվում է մինչև սեպտեմբերի 15-ը: Դաշտը ջրում են ընդամենը 3-4 անգամ՝ հատիկի համային առանձնահատկությունները պահպանելու նպատակով։ Դաշտը պարարտացվում է շարային եղանակով, հետագա սնուցումը կատարվում է մշակաբույսի աճի շրջանում՝ լրացուցիչ խթանելու նպատակով: Աշնանացան ցորենի բերքատվությունը գարնանացանի համեմատ ավելի բարձր է և կայուն, որը պայմանավորված է նրա կենսաբանական առանձնահատկություններով: Այսպիսով, հավաքվում է աշնանացան փափուկ և չոր, սպիտակ և կարմիր հատընտիր ցորեն։ Դրանց միախառնումից հետո ստացվում է հենց այն հումքը, որը փոխակերպվում է անկրկնելի համով օղու՝ բազմակի թորումից ու շշալցումից հետո 20-25 օր «հանգստանալու» արդյունքում։ Հենց այդպես է արտադրվում բարձր դասի օղին՝ իսկական մասնագետների ու իրենց գործի վարպետների կողմից։ Արտադրության ողջ գործընթացն իրականացվում է մանրակրկիտ ու բծախնդիր վերահսկողության ներքո՝ բաց չթողնելով անգամ ամենամանր դետալները, որպեսզի արտադրանքի որակը մնա իր բարձրության վրա։ Այս հրաշալի խմիչքը արժևորողներն ու նախընտրողները ըստ արժանվույն կգնահատեն մեր արտադրանքը, որը պատրաստվում է հատընտիր հումքից ու սիրով։